Pagbantay sa mga loan payment scammers

Kabalo ba mo nga nagkadaghan na ang mga nabiktima sa mga “loan payment scam”? Ang usa ka loan payment scammer kay magpaila nga kuno konektado sila sa mga bangko or lending organizations ug kuno makatabang sila aron mapadali ang pag-proseso sa inyohang mga loans. Apan ang mga payments o bayad kay mupaadto na man hinuon sa scammer ug dili sa bangko o lender.

Ani-ay mga tried and tested nga paagi aron pildehon nato kining mga “loan payment scammers”:

Pagbayad lang kanunay sa angay nga bank channels

Ayaw pasalig sa mga tawo nga kuno sila na lang ang muadto sa bangko o lending organization ug mubayad sa inyohang mga loans. Mas maayo nga kamo gyud ang mubayad o dili ba kaha mu-setup mo ug klaro nga payment channel. Lakip niini ang over the counter sa branch sa imong bangko o dili ba kaha automatic debit arrangement. Buhata kini para sa imong car loans, home loans o business loans.

I-maximize ang auto debit payments

Pangutana lamang sa imohang bangko mahitungod sa auto debit payment kay kini ang pinaka-secure ug kombenyente nga option. Sa BDO Network Bank pananglitan, naa silay Automatic Debit Arrangement (ADA) nga diretso mo-transfer sa imong monthly amortizations gikan sa assigned nimo nga BDO Savings o Checking accounts. Adto sa pinakaduol nga branch sa BDO ug kamo tabangan dayon.

I-verify sa imong bangko o laing lender

Ayaw pag-commit dayon sa kung kinsa man ang mu-offer nga tabangan ka kuno sa imong mga loan applications. Pag-verify usa! Tawagi imong bangko o lending company. Pangutana kung authorized ba ang maong tawo sa paghawid sa mga loan payments ug applications.

Ayaw kumpiyansa kung ipa-transfer sa personal account

Kung ipa-transfer na gani sa personal account ang bayad para sa mga loans, makaduda na kini hilabina kung para pa kini sa loan application o dili ba kaha sa wala pa na-release ang kuwarta.

Ayaw kalimti ang mga “phishing scams”

Pagbantay sa mga “phishing scams”! Ang usa ka phishing scammer kay mupadala ug mensahe – puwede sa text, email o private message – nga maka-prompt sa imo o sa targeted person nga maka-ambit ug personal nga impormasyon. Magamit dayon kining maong impormasyon aron makawat ang kuwarta pinaagi sa online hacking.

Protektaha imong kaugalingon batok sa mga phishing scams. Ani-ay mga tips:

  1. Nungka mangayo ang imong bangko ug imong username ug password sa imohang online banking account. Dili pud mangayo ang imong bangko sa imohang One-Time PIN o OTP.
  2. Nungka pud muhatag ang imong bangko ug email o text links nga mupadulong sa mga websites nga mupangayo ug imohang personal nga impormasyon lakip pud imohang online banking account details.
  3. Kung ikaw makadawat ug phone call, text message, direct message o email nga maghangyo nimo nga i-“verify” imong account hilabina pinaagi sa pag-hatag sa imong full name, birthday, mother’s maiden name etc, ayaw dayon kumpyansa. Puwede magamit kini nga mga impormasyon aron ma-access imohang account. Nungka mangayo ang imohang bangko sa mga ing-ana nga impormasyon.
  4. Nungka pud pangayuon sa imohang bangko ang imong OTP. Ayaw ihatag ang imong credit card number, card expiry date hilabina imong CVV o Card Verification Value (makita kini sa likod sa imong card).

Naa ba moy mga pangutana? Ibilin lang ang inyong mga pangutana sa comments section sa ubos.

Use Facebook To Comment

Leave a Reply

Your email address will not be published.